Сла́ва долготерпе́нию Твоему́, Го́споди.

Днесь ви́сит на дре́ве, И́же на вода́х зе́млю пове́сивый: венце́м от те́рния облага́ется, И́же А́нгелов Царь: в ло́жную багряни́цу облача́ется, одева́яй не́бо о́блаки: зауше́ние прия́т, И́же во Иорда́не свободи́вый Ада́ма: гвоздьми́ пригвозди́ся Жени́х Церко́вный: копие́м прободе́ся Сын Де́вы. Покланя́емся Страсте́м Твои́м, Христе́. Покланя́емся Страсте́м Твои́м, Христе́. Покланя́емся Страсте́м Твои́м, Христе́, покажи́ нам и сла́вное Твое́ Воскресе́ние.

Благообра́зный Ио́сиф, с дре́ва снем пречи́стое те́ло Твое́, плащани́цею чи́стою обви́в, и воня́ми во гро́бе но́ве покры́в положи́.